Esta é a versão em Tupi Moderno (Nheengatu) do Hino Nacional Brasileiro

Cembyua Ypiranga çuí, pitúua,
Ocendu kirimbáua çacemoçú
Coaracy picirungára, cedyua,
Retama yuakaupé, berabuçu.

Cepy quá iaueçáua çuí ramé,
Itayiuá irumo, iraporepy,
Mumutara çáua, ne pyá upé.
I manoçáua iané cepy.

Iaçaiçú ndê,
Oh moetéua
Auê, Auê!

Brasil, ker pi upé, coaracyáua,
Çaiçú í çaarúçáua çui ouié,
Marecê, ne yuakaupé, poranga.
Ocenipuca Curuça iepé!

Turuçú reikô, ara rupí, teen,
Ndê poranga i santáua, ticikyié
Ndê cury quá mbaé-uçú omeen.

Yuy moetéua
 Ndê remundú
Reikô Brasil,
Ndê ixaiçú!
Mira quá yuy çuindê cy catú,
Ndê ixaiçú,
Brasil!

Ienotyua catú pupé reikô,
Memê paráteapú, quá ara upé
Ndê recendy, potyr América çuí.
I Coaracy omucendy iané!
 
 Inti orekó purangáua pyré,
Ndê nhu soryçára omeen potyra pyré,
   “Cicué pyré oreko iané caauçú”.
  Iané cicué, ndê pyá upé, çaiçú pyré.

Iaçaiçú ndê,  
Oh moetéua  
Auê, Auê!

Brasil, ndê pana iacy-tatá-uára
Toikó rangáua quá çaiçu retê.
I quá-pana iakyra-tauá tonhee
Cuire catuama, ierobiára kuecê.

 Çupí tacape repuama remé
Ne mira apgáua omaramunhã,  
Iamoetê ndê, inti iacekyé.

 Yuy moetéua
Ndê remundú  
 Reik ô Brasil, 
Ndê ixaiçu!
 Mira quá yuy çuindê cy catú,
 Ndê ixaiçú,
Brasil!